List Challenges portaly iň tanymal şahsyýetleriň reýtingini hödürledi. Reýting dünýä belli aktýorlar, alypbaryjylar, futbolçylar we syýasatçylar ýaly dürli döwrüň iň meşhur adamlaryny öz içine aldy.
Sanawda birinji orny amerikaly aýdymçy Maýkl Jekson eýeledi. Habar ýazylan wagty Jekson internet ulanyjylardan 2973 ses alyp, 70 ýyl dolandyran Britaniýanyň şa aýaly Ýelizaweta II-den (2685) we XX asyryň iň belli sazandalarynyň biri Elwis Presliden (2665) öňe geçdi. Ilkinji bäşlige 1997-nji ýylda ýol hadysasynda aradan çykan şa gyzy Diana (2601) we futbolçy Lionel Messi (2601) hem girdi.
Iň meşhur şahsyýetleriň ilkinji onlugy şeýle görnüşde:
- Maýkl Jekson – 2973
- Ýelizaweta II – 2685
- Elwis Presli – 2665
- Şa gyzy Diana – 2601
- Lionel Messi – 2601
- Uitni Hýuston – 2532
- Barak Obama – 2448
- Madonna – 2447
- Jeki Çan – 2443
- Kriştianu Ronaldu – 2288.
Umuman, sanaw jemi 200 şahsyýeti öz içine alýar.
Maýkl Jozef Jekson – amerikaly aýdymçy, aýdym-saz prodýuseri, aýdymlaryň awtory, aktýor. Ol pop aýdym-sazynyň taryhynda iň görnükli ýerine ýetirijileriň biri hasaplanylýar. Jekson ömrüniň dowamynda köp sanly baýraklara, şol sanda 15 “Gremmi” baýragyna mynasyp boldy. Bütin dünýäde onuň ýazgylarynyň (albomlar, ýygyndylar, singller we beýlekiler) 1 mlrd nusgasy satyldy.
