Hytaýda Xiaomi-niň marketing bölüminiň baş müdiriniň orunbasary we Redmi brendiniň baş müdiri Wan Ten Tomas Redmi K70 smartfon hatarynyň ilkibaşda meýilleşdirilenden has ir satuwdan aýrylandygyny habar berdi.
Ol Redmi K70 smartfonynyň ýokary öndürijiliginiň ony 2024-nji ýylda 278 dollardan 417 dollar baha aralygynda iň köp satylan telefona öwrendigini belledi.
Wan Ten Tomas geljekki Redmi K80 hataryna ünsi çekip, ony “täze çempion” diýip atlandyrdy. Kompaniýanyň Redmi K80 smartfonlaryny şu aýyň ahyryna çenli hödürlemegine garaşylýar.
Geçen ýylyň noýabr aýynda çykarylan Redmi K70 hatary K70e, K70 we K70 Pro modellerini öz içine aldy, olaryň bahasy 1999 ýuandan (takmynan, $278) başlady. Smartfonlar, degişlilikde, Dimensity 8400, Snapdragon 8 Gen 2 we Snapdragon 8 Gen 3 bilen üpjün edildi.
Täze hataryň iki modeli öz içine almagyna garaşylýar: Redmi K80 we K80 Pro. Olar, degişlilikde, Snapdragon 8 Gen 3 we Snapdragon 8 Elite çipsetleri bilen enjamlaşdyrylar. Smartfonlaryň ikisi-de noýabr aýynyň ahyryna çenli resmi taýdan hödürlenjek iQOO Neo 10 we Neo 10 Pro tarapyndan bäsdeşlige sezewar bolar diýlip pikir edilýär. Maglumatlara görä, Neo 10 modeli Snapdragon 8 Gen 3, Neo 10 Pro bolsa Dimensity 9400 çipseti bilen üpjün ediler.
