Volkswagen kompaniýasynyň düzümine girýän Audi Hytaýda täze brendini - "AUDI" (ady baş harplar bilen ýazylan) görnüşde çykardy. Bu barada Reuters habar berýär.
Hytaýyň döwlet awtoulag kompaniýasynyň "SAIC Motor Corporation" bilen hyzmatdaşlygynda döredilen täze AUDI E awtoulagynyň ilkinji önümi eýýäm hödürlendi. Ol nyşanynda adaty dört halkanyň ýoklugy bilen beýleki görnüşlerinden tapawutlanýar. Ýöne awtoulagda uly we baş harplar bilen ýazylan nyşan bar, onuň öň we arka tarapy yşyklandyrylýar.
AUDI E täze "Advanced Digitized Platformda" işlenip düzüldi. Ol iki elektrik hereketlendirijisiniň kömegi bilen 764 at güýjüne eýedir. 100 km/sag tizlige bary-ýogy 3,6 sekuntda çykyp, elektrik ätiýajy 700 km (CLTC usuly boýunça) aralyga çenli ýetip bilýär. 800 woltly awtoulagyň gurluşy 10 minutda 370 km-e çenli ýol geçerlik zarýad almaga mümkinçilik berýär.
AUDI E-iň içinde uly 4K ekran we iki sany smartfon üçin simsiz zarýad beriji bar. Içki bezegde agaç şkafy we mikrofibr ýaly ekologiýa taýdan arassa materiallar ulanylýar.
AUDI bu ilkinji üç modelini: orta we doly göwrümli awtoulaglaryny 2025-nji ýylda bazara çykarar.
