Samsung täze eplenýän W25 smartfonyny hödürledi

  • 11.11.2024 15:26
  • 5.8k+

Samsung täze eplenýän W25 smartfonyny hödürledi. Täze önüm Galaxy Z Fold 6 modele meňzeýär, ýöne ol has kämil aýratynlyklary hödürleýär diýip, Gizmochina ýazýar.

W25 “Galaxy Z Fold 6” görnüşinden 1,5 mm inçe, eplenende galyňlygy 10,6 mm. Smartfonyň esasy 8 dýuýmlyk “Dynamic AMOLED 2X” displeýinde 120Hz täzelenme tizligi we 2600 nokada çenli ýagtylygy bolan QXGA + durulygy (2184 x 1968 piksel) bar. Daşarky 6.5 dýuým ekran hem 120Hz bilen goldanylýar we "Corning Gorilla Glass Victus 2" bilen goralýar.
Smartfon “Galaxy” prosessor üçin “Snapdragon 8 Gen 3”, 16 Gb RAM we 512GB, 1TB ýat görnüşleri bilen üpjün edilýär.
200 MP esasy kamera, surat höwesjeňleri üçin W25-ni hasam özüne çekiji edýär. 12 megapiksel ultra giň burçly linza we 10 megapiksel telefon moduly bilen işleýär. Selfi we wideo alyş üçin daşky ekranda 10 megapikselli kamera hem-de esasy ekranda 4 megapikselli kamera bar.
Smartfonyň gapdalynda barmak yz skaneri, IP48 suwdan hem-de tozandan goragy, "Dolby Atmos" bilen stereo gürleýjiler we "Android 14 OS" esasly "One UI 6.1.1" gaby bar.
Smartfonyň satuwy 15-nji noýabrda Hytaýda başlar. Bahalary 2230 dollardan başlap, 2500 dollara çenli ýeter.


24.10.2025 09:38
1.5k+

Samsung täze Galaxy XR garniturasyny hödürledi: Apple-yňkydan iki esse arzan we Gemini bilen işleýär

Samsung kompaniýasy Galaxy XR garyşyk hakykat garniturasyny – Apple Vision Pro-nyň  Android-e esaslanýan bäsdeşini hödürledi. Garnitura Google we Qualcomm bilen hyzmatdaşlykda döredildi. Onuň bahasy 1800 dollar bolup, bu ýakynda hödürlenen M5 çipli Apple Vision Pro-dan ($3500) iki esse diýen ýaly arzandyr...

12.10.2025 23:53
3.5k+

Samsung eplenýän Galaxy Z Fold7-niň premium görnüşini – W26-ny hödürledi

Samsung eplenýän Galaxy Z Fold7 smartfonynyň hytaý bazary üçin ýörite döredilen görnüşini – täze W26 flagman smartfonyny hödürledi. Öňki W modelleri ýaly, täze smartfon has kaşaň dizaýny bilen tapawutlanýar: petle, gapdal çarçuwa we kamera halkalary altyn öwüşginler bilen bezeldi...

12.10.2025 11:37
4k+

Samsung-yň VR şleminiň dizaýny we aýratynlyklary belli boldy

Internet torunda täze VR garniturasynyň – Project Moohan hökmünde belli bolan Samsung Galaxy XR-yň suraty we tehniki aýratynlyklary peýda boldy. Suratlary Android Headlines neşiri hödürledi. Galaxy XR garniturasy Google-dan Android XR platformasyna esaslanýar we kompýutere ýa-da smartfona birikmezden awtonom işleýär...

06.10.2025 17:53
2.4k+

Samsung oktýabrda garyşyk hakykat garniturasyny hödürlemäge taýýarlanýar

Samsung eýýäm geljek hepdelerde Android XR operasion ulgamynyň esasynda özüniň ilkinji garyşyk hakykat şlemini hödürlemäge taýýarlanýar. Project Moohan şertli atly gurluş 22-nji oktýabrda görkezilip bilner diýip, 9to5Google habar berýär...