Halkara sport gözlegleri merkezi (CIES) 21 ýaşdan kiçi iň gymmat 100 oýunçynyň reýtingini düzdi. Sanawyň iň başynda “Barselonanyň” oýunçysy Lamin Ýamal ýerleşdi. Ol 180,9 mln ýewro bilen bahalandyrylýar.
Ýamaldan başga-da, iň gowularyň ýüzlügine 18 ýaşa ýetmedik ýene üç futbolçy girdi: ekwadorly Kendri Paes (“Independente del Walýe”, “Çelsiniň” kärendesinde), braziliýaly Estewan Willian (“Palmeýras”, “Çelsiniň” kärendesinde”) we ispaniýaly Pau Kubarsi (“Barselona”).
Ilkinji onluga bazar bahasy 72 mln ýewrodan başlanýan we ondan ýokary bolan oýunçylar girdi.
Umumy sanawda Angliýanyň Premýer-ligasynyň (APL) oýunçylary agdyklyk edýär – 26 futbolçy. Onuň yzyndan fransuz Liga 1-i (17) we ispan La Ligasy (12) gelýär.
Klublaryň arasynda ýaş oýunçylaryň köpüsi “Braýton end Houw Albionda” (6) çykyş edýär. Soňra “Çelsi”, “PSŽ” we “Barselona” gelýär (her birinde 4 oýunçy).
21 ýaşa çenli iň gymmat futbolçylaryň ilkinji onlugy:
- Lamin Ýamal, “Barselona” – €180,9 mln
- Alehandro Garnaço, “Mançester Ýunaýted” – €114,8 mln
- Uorren Zair-Emeri, “PSŽ” – €109 mln
- Sawio Moreýra, “Mançester Siti” – €101 mln
- Žoau Neweş, “PSŽ” – €99,8 mln
- Endrik, Madridiň “Realy” – €97,7 mln
- Riko Lýuis, “Mançester Siti” – €87,2 mln
- Arda Gýuler, Madridiň “Realy” – €76,7 mln
- Kobbi Maýnu, “Mançester Ýunaýted” – €74,8 mln
- Kenan Ýyldyz, “Ýuwentus” – €72,3 mln
