2024-nji ýylyň üçünji çärýeginde iPhone, Samsung we Redmi smartfonlary dünýäde iň köp satylan modelleriň ilkinji onlugyna girdi. Counterpoint Research kompaniýasynyň maglumatlaryna görä, ilkinji üç orny Apple kompaniýasynyň smartfonlary eýeleýär.
Reýtingde birinji orny iPhone 15 eýeledi, onuň yzyndan iPhone 15 Pro Max we iPhone 15 Pro gelýär. Ilkinji gezek Pro modelleri şu çärýekde ähli iPhone satuwlarynyň ýarysyny emele getirdi, bu hem has gymmat modellere islegiň artýandygyny görkezýär.
Samsung hem öz orunlaryny saklaýar: Galaxy S24 yzygider üçünji çärýekde iň gowularyň onlugynda galýar, Galaxy S modeli bolsa 2018-nji ýyldan bäri ilkinji gezek Top-10-a goşuldy. Sanawda özüniň elýeterliligi we uzak möhletleýin programma goldawy bilen belli bolan Galaxy A hataryndan hem dört model bar. Bu modeller ösýän ýurtlarda uly islegden peýdalanýar.
Xiaomi diňe bir model – Redmi 13C bilen ilkinji onluga girip bildi. Muňa onuň amatly bahasy we özünden öňki bilen deňeşdirilende kämilleşdirilen aýratynlyklary ýardam etdi.
Umuman alanyňda, ilkinji 10 model şu ýylyň üçünji çärýeginde dünýä boýunça smartfon satuwynyň 19%-ini emele getirdi.
