Norwegiýada FIFe World Show sergisi geçirildi we onda dünýäniň iň owadan pişigi saýlandy. Bu çäre Halkara pişik federasiýasy tarapyndan gurnaldy. Dünýäniň dürli künjeginden 1500 pişigiň arasynda ýeňiji Polşanyň Gdansk şäherinden rus gök tohumyndan Bakardi atly pişik boldy.
“Men Bakardiniň dünýäde iň owadan pişikdigini hemişe bilýärdim” – diýip, pişigiň hojaýyny Joanna Kowalçik belledi.
Dziennik Baltycki bilen söhbetdeşlikde ol pişigiň ejesiniň özi bilen ýaşaýandygyny, kakasynyň bolsa fermada bolýandygyny aýtdy.
Bakardi bir garyndan doglan pişijikleriň arasynda dördünji we iň soňkusydy.
“Ilkinji günden onda nämedir bir zat bardy... Ol tohumyň ähli ülňülerine laýyk gelýärdi. Onuň gözlerinde-de uçgun bardy” – diýip, Joanna belleýär.
Bakardini onuň häsiýeti-de tapawutlandyrýar, pişik hödür almak üçin öz maýyl edijiligini ulanýar. Onuň güni gezelenç etmek we bagdaky guşlaryň sanyny barlamak bilen başlaýar. Hojaýyn Bakardi bilen sözsüz gürleşýändigini belleýär.
Belläp geçsek, rus gök pişikler ýumşak häsiýeti bilen tapawutlanýar. Şol sebäpli olar pişik muşdaklarynyň arasynda iň halanýan pişiklerdir. Bu tohumyň pişikleri nätanyşlara ynamsyz bolýar, ýöne öz hojaýynlary üçin örän gowy söhbetdeş hasaplanylýar we olar dyrnaklaryny seýrek görkezýär.
