Bitkoiniň bahasy taryhda ilkinji gezek 77 müň dollardan geçdi. Kriptowalýuta bazary Donald Trampyň ABŞ-nyň Prezident saýlawlaryndaky ýeňşinden soň işjeň ýagdaýda ösýär. Saýlawlardan soňky iki günde bitkoin öz taryhy iň ýokary derejesini dört gezek täzeledi diýip, qz.com habar berýär.
Bitkoin bilen bir hatarda beýleki kriptowalýutalaryň bahasy hem ýokarlanýar. Ethereum tas 3 müň dollara ýetdi, Solana bolsa 200 dollardan ýokary boldy.
Bahalaryň şeýle umumy ýokarlanmagy kriptowalýuta bazarynyň kapitalizasiýasynyň ösmegine getirdi, ol häzir 2,6 trln dollara ýakynlaşýar. Soňky bir günde kriptobazaryň kapitalizasiýasy 3,66% ýokarlandy.
Bilermenleriň pikiriçe, Trampyň administrasiýasy kriptowalýutalary düzgünleşdirmek syýasatyna täzeden garamaga synanyşar. Hususan-da, bu ABŞ-nyň Gymmat kagyzlar we biržalar boýunça komissiýasynyň (SEC) kriptobazaryna bolan gatnaşygyna degişlidir. Edara häzirki Prezident Jo Baýdeniň döwründe kriptowalýuta bazaryna gözegçiligi güýçlendirdi.
