SpaceX synaglaryň çäginde 2025-nji ýylyň mart aýynda Starship kosmos gämisine ilkinji gezek orbitada ýangyç guýmagy maksat edinýär.
NASA-nyň Human Landing System programmasynyň ýolbaşçysynyň orunbasary Kent Hoýnaskiniň sözlerine görä, iki sany Starship gämisini orbita çykararlar we şol ýerde olar birleşer we biri beýlekisine ýangyç geçirer. Bu synag Aýa we Marsa boljak uzak wagtlyk kosmos missiýalaryna taýýarlyk işleriniň möhüm bölegi bolar diýip, Kosmos gullugy ýazýar.
Orbitada ýangyç guýmak kosmos gämileriniň uçuşynyň uzaklygyny we ýük göterijiligini artdyrar. Orbitada ýangyç guýmak gämileriň ýangyç doldurmak üçin Ýere gaýdyp gelmek zerurlygyny aradan aýrar, bu bolsa planetalaryň arasyna missiýalary guramak mümkinçiliklerini giňelder.
Synag üstünlikli bolsa, Starship-iň uzak möhletli missiýalara, şol sanda NASA-nyň adamlary Aýa gaýtaryp eltmäge gönükdirilen “Artemida” maksatnamasyna gatnaşmaga taýýardygyny tassyklar.
