Belarusly tennisçi Arina Sobolenko 2024-nji ýylyň jemi boýunça dünýäniň birinji raketkasy boldy. Bu barada Zenanlar tennis assosiasiýasynyň (WTA) resmi saýtynda habar berilýär.
Türgen, polşaly tennisçi Iga Swýontek Er-Riýadda geçirilýän WTA Finals ýaryşynda amerikaly Koko Gauffdan utulandan soň, WTA reýtinginiň birinji ornuna çykdy. Sobolenko bu ýaryşda iki gezek üstünlikli çykyş etdi.
Ol “Uimbledondan” öň alan şikesine garamazdan, dünýäniň birinji raketkasy bolmagy başardy. Sobolenko uly aýlawly myşsasyna şikes ýetirdi we netijede egnindäki agyry ony ýaryşdan çekilmäge mejbur etdi.
Häzir Sobolenko korta gaýdyp geldi, ýöne munuň psihologik taýdan aňsat düşmändigini aýtdy. Awgust aýynda türgen ABŞ-nyň Açyk çempionatyny utdy, soňra Uhandaky ýaryşda ýeňiji boldy. Soňky 23 oýnuň 22-sinde Sobolenko ýeňiş gazandy.
Arina Sobolenko 26 ýaşynda. Ol karýerasynda “Uly tuwulga” ýaryşlarynda üç gezek ýekelikde we ýene iki gezek jübüt görnüşde ýeňiji boldy.
