Günorta Koreýanyň tehnologiýa ägirdi Samsung 2025-nji ýylda çykarylmagy meýilleşdirilýän enjamlarynyň sanawyny mälim etdi. Bu barada 9to5Google habar berýär.
Ýylyň başynda kompaniýa “Galaxy AI” emeli aň gurallary üçin güýçlendirilen goldaw bilen üpjün edilen flagman “Galaxy S25” smartfonlar tapgyryny hödürlär.
Mundan başga-da, Samsung ulanyjylara girmekdäki päsgelçilikleri azaltmak maksady bilen, arzan bahaly eplenýän enjam döretmegi göz öňünde tutýar. Bu bolsa çeýe displeýler we beýleki bölekler üçin çykdajy meselelerini çözmegi talap edýär.
Şeýle hem kompaniýa Apple Vision Pro garyşyk hakykat äýnegine meňzeýän XR (eXtended Reality) enjamynyň hem sanawda bardygyny mälim etdi. Täze gadjet “Samsung Ring” ýaly beýleki Samsung önümleri bilen birleşdiriler diýip, lenta.ru ýazýar.
Ondan öň ETNews çeşmeleri Samsung-yň iPhone bilen bäsleşmek üçin rekord derejede inçe flagman smartfonyny çykarmak meýilnamasy barada habar berdiler.
