Apple wideo görmek üçin arzan bahadan äýnekleri çykaryp biler. Kompaniýa iPhone-a birikdirilýän enjamy döretmegi göz öňünde tutýar diýip, Bloomberg-iň analitigi Mark Gurmana salgylanyp, MacRumors habar berýär.
Çeşmäniň habar bermegine görä, hasaplaýyş bölegi iPhone-a geçirilip, garnituranyň özi film görmek üçin aksessuar hökmünde ulanylyp bilner.
Gurman: “Bu äýnek, Xreal ýaly kompaniýalaryň hödürleýän äýnegine birneme meňzeýär. Apple-iň artykmaçlygy, enjamyň iPhone-y önüm ekosistemasynyň merkezi hökmünde güýçlendirmegi we 3500 dollarlyk Vision Pro-dan has amatly görnüşini hödürläp bilmegindedir".
Mundan başga-da, žurnalist Apple-iň Vision Pro üçin çipi täzelemegi meýilleşdirýändigini aýtdy, ýöne onuň wagty belli däl. Beýleki insaýderiň aýtmagyna görä, Ming-Çi Kuo Apple üpjünçilik zynjyrynyň analitikasy, entek anons edilmedik M5 çipli täzelenen Vision Pro garniturasy 2025-nji ýylda hödürlener.
