Madridiň “Realy” Ispaniýanyň günorta-gündogaryndaky Walensiýa welaýatynda suw joşmasyndan ejir çekenlere 1 mln ýewro bagyş etdi. Bu barada klub öz resmi saýtynda habar berdi diýip, “Çempionat” portaly belleýär.
“Madridiň “Realy” haýyr-sahawata 1 mln ýewro bagyş etmek bilen, kyn ýagdaýa düşen we biziň goldawymyza mätäç bolan köp sanly hojalyklara kömek etmek üçin serişde ýygnamak kampaniýasyna başlar” – diýlip, klubuň saýtynda ýazylýar.
Belläp geçsek, Ispaniýada soňky 50 ýylda iň güýçli suw joşguny netijesinde 200-den gowrak adam öldi. Zyýan çeken sebitlerde ýollary suw basdy, jaýlara we awtomobillere zeper ýetdi. Walensiýanyň awtonom jemgyýeti has uly ýitgi çekdi. Halas ediş işlerine harby gullukçylar çekildi. Müňlerçe ýaşaýjy elektriksiz galýar. Walensiýada we goňşy sebitlerde ýagyş we tupan howpy sebäpli ýaramaz howa şertleri barada duýduryşlar saklanýar.
Bu betbagtçylyga oktýabr aýynyň ahyrynda ýurduň birnäçe sebitine inen güýçli ýagyş sebäp boldy. Hemra suratlary ispan sebitiniň betbagtçylykdan öň we soň nähili görünýändigini görkezdiler.
