Microsoft Android-enjamlaryň faýllaryny Explorer arkaly dolandyrmaga goldaw goşmak bilen, Windows-yň işleýşini giňeltdi diýip, TechSpot.com çeşmesi ýazýar.
Indi Android enjamlarynyň ammaryna kabelsiz elýeterlilik alyp, tanyş interfeýs arkaly faýllary dolandyryp bilersiňiz. Munuň üçin Windows 10-uň we Windows 11-iň ulanyjylary diňe smartfonlaryna Wi-Fi arkaly birigäýmeli.
Oktýabr aýynda ornaşdyrylyp başlanan bu aýratynlyk “Cross-Device Experience Host” täzelenmesiniň bir bölegidir we Microsoft Store arkaly täzelenmegi talap edýär. Täzeligi ulanmak üçin size Android 11 ýa-da ondan ýokarysy we iň soňky täzelenmäni “Windows bilen aragatnaşyk” (Link to Windows) programmasyna iň bolmanda 1.24071 wersiýasyna çenli gurnamaly bolar.
Ähli zerur komponentleri täzelänsoň, ulanyjylar öz Android enjamyny Explorer gapdal panelinde ýarlyk görnüşinde görüp bilerler. Onuň kömegi bilen Android-de faýllaryň adyny göni kompýuteriňizde üýtgedip, göçürip we pozup bilersiňiz. Bu usul bilen pozulan maglumatlar Android-de peýda bolan “Sebede” (Recycle Bin) geçýär we 30 günden soň, awtomatiki usulda pozulýar.
Mundan başga-da, “Windows Gözleg” bilen integrasiýa Android enjamlarynda kompýuteriňiziň gönüden-göni wezipeler panelinden faýl gözlemäge mümkinçilik berýär.
Faýllary simsiz dolandyrmagyň ýene bir artykmaçlygy 1,2 Gbit / s-a çenli ýetip bilýän faýl geçiriş tizligi bolup, täze aýratynlygy, USB-e fiziki birikmek bilen deňeşdirilende, bäsdeşlige juda ukyply edýär.
