Apple kuwwatly M4 Pro we M4 Max çipleri bilen enjamlaşdyrylan täze 14 we 16 dýuýmlyk MacBook Pro modellerini, şeýle-de M4 çipli 14 dýuýmlyk görnüşini hödürledi.
Täze önümler köp babatda kämilleşdirmeleri görkezýär.
Çipler we öndürijilik:
- M4 Pro 14 ýadroly prosessora (10 öndürijilikli we 4 netijelilik ýadrosy) we 20 ýadroly grafiki prosessora eýe bolup, M4 wersiýa bilen deňeşdirilende iki esse ýokary kuwwaty üpjün edýär.
- M4 Max 16 ýadroly CPU we 40 ýadroly GPU bilen enjamlaşdyryldy, bu hem M1 Max bilen deňeşdirilende 3,5 esse ýokary öndürijiligi üpjün edýär.
Ýat:
- ·M4 Pro we M4 Max öňki modellerdäki 18 GB bilen deňeşdirilende, adaty toplumda 24 GB unifikasiýa edilen ýat bilen hödürlenýär.
- ·M4 Max 128 GB çenli unifikasiýa edilen ýady hem goldaýar.
Displeý: SDR üçin 1000 nite çenli ýagtylygy üpjün edýän nanotekstura bilen täzelenen Liquid Retina XDR displeýi.
Kamera: Desk View funksiýasy bilen täze 12 Mp Center Stage kamerasy.
Interfeýsler: 120 Gbit/s çenli geçirijilik ukyby bilen Thunderbolt 5, 8K çenli durulyk bilen HDMI goldawy, Wi-Fi 6E we Bluetooth 5.3.
Awtonomlyk: M4 Pro modeli akkumulýatoryň 22 sagada çenli işlemegini, M4 Max modeli bolsa 18 sagada çenli işlemegini üpjün edýär.
Bahalar:
- ·14 dýuýmlyk MacBook Pro üçin 1600 dollardan başlaýar.
- ·16 dýuýmlyk MacBook Pro üçin 2500 dollardan başlaýar.
Satuwa 8-nji noýabrda başlamak meýilleşdirilýär.
