Frensis Ford Koppola Amerikan kino institutynyň hormatly baýragyny alar

  • 01.11.2024 11:35
  • 1.1k+

Amerikaly režissýor, “Çokundyran ata” (Крёстный отец) kinotrilogiýasyny goýan Frensis Ford Koppola Amerikan kinematografiýa institutyndan (AFI) hormatly baýragyň eýesi bolar. 50-nji ýubileý gowşurylyş dabarasy 2025-nji ýylyň 26-njy aprelinde Los-Anjelesde geçiriler.

AFI Life Achievement Award baýragy Koppolanyň karýera üstünlikleri üçin berler. Baýrak 1973-nji ýylda esaslandyryldy.
Režissýorlardan şeýle baýragy Orson Uells, Alfred Hiçkok, Dewid Lin, Stiwen Spilberg, Martin Skorseze, Klint Istwud, Jorj Lukas, Maýk Nikols dagy alypdy.

“Frensis Ford Koppola – amerikan kinosynyň taryhynda esas bolan eserleri döreden we häzirki wagtda onuň ussatlygyny hem garaşsyz ruhuny özünde jemleýän kinematografçylaryň neslini ruhlandyran ajaýyp hudožnik” – diýip, AFI-niň Howandarlar geňeşiniň başlygy Ketlin Kennedi metbugat relizinde aýtdy.

Koppolanyň täze filmi “Megalopolis” şu ýyl çykdy we tankytçylardan dürli synlary alyp, prokatda şowsuz boldy. Epiki dramanyň sanly premýerasy 12-nji noýabra meýilleşdirilýär.


düýn 17:03
1.7k+

Mark Ruffalo Möý adam baradaky täze filmde Halkyň keşbine gaýdyp geler

Mark Ruffalo “Möý adam 4” filminiň aktýorlar düzümine resmi taýdan goşuldy we ýene-de Halkyň keşbini ýerine ýetirer. Film 2026-njy ýylyň 31-nji iýulynda halkara prokata çykar we “Düýpgöter täze gün” goşmaça sözbaşysyny alar...

düýn 16:22
1.1k+

Apple TV+ “Dynç” romantiki komediýasynyň esasynda mini-serial çykarar

Apple TV+ “Dynç” (Отпуск по обмену / The Holiday) romantiki komediýasynyň äheňinde mini-serial çykarar diýip, Variety habar berýär. Hakyky film ýaly, serial iki aýal – Roždestwo wagty öýlerini çalşyp, garaşylmadyk ýagdaýda öz söýgüsini tapýan britaniýaly we amerikaly aýal barada gürrüň berer...

03.08.2025 21:55
1.8k+

Jeýms Gann “Supermen 2” filmini döretmäge girişdi

Režissýor Jeýms Gann “Supermen” filminiň dowamyny yglan edip, ssenarini ýazmaga girişendigini aýtdy. “Indi men “Barlyşdyryjynyň” (Миротворец) ikinji möwsümini ilerledip, “Supermeniň” dowamyny ýazaryn! Men filmiň dowamyny haçan yglan etmek isleýärin...

03.08.2025 17:41
4.6k+

Amazon “Ýüzükleriň hökümdary: Hökmürowanlyk ýüzükleriniň” üçünji möwsümini düşürip başlady

Amazon “Ýüzükleriň hökümdary: Hökmürowanlyk ýüzükleri” (Властелин колец: Кольца власти) fentezi serialynyň üçünji möwsüminiň düşürilip başlanandygyny habar berdi. Önümçilik ikinji möwsümiň ahyrky bölümi çykandan dokuz aýdan soň başlady diýip, Empire ýazýar...