TikTok wideo platformasyny esaslandyryjy Çžan Imin Hytaýyň iň baý adamlarynyň sanawynda birinji orny eýeledi diýip, Sky News ýazýar.
“Hurun China Rich List”-iň maglumatlaryna görä, 41 ýaşyndaky telekeçi ilkinji gezek sanawda birinji orny eýeledi, girdejisi bolsa 49,3 milliard dollara ýetdi.
Çžan 2021-nji ýylda TikTok-yň esasy kompaniýasy ByteDance-iň baş müdiri wezipesinden çekildi, emma onuň baýlygy artmagyny dowam etdirýär.
Hytaýyň iň baý adamlaryň sanawynda Çžan, çüýşeli suw öndürýän kompaniýanyň eýesi Çžuna Şanşandan öňe geçdi. Onuň baýlygy geçen ýyl 24% azaldy we 47,9 milliard dollara düşdi.
TikTok-yň YouTube bilen bäsleşmek üçin 60 minutlyk wideo ýüklemek mümkinçiligi barlagdan geçirýändigi baradaky maglumatlar öňünden mälim boldy. Platforma mazmuny dolandyrmagy has hem gowulandyrmak üçin işleri geçirýär, ýakynda bolsa kompaniýa hakyky moderatorlary emeli aň bilen çalşyp başlady.
