“Toyota” we Ýaponiýanyň telekommunikasiýa kompaniýasy NTT bilelikde öz-özüni dolandyrýan awtoulaglara niýetlenen emeli aňy ösdürmek üçin 500 milliard ien (takmynan 3,3 milliard dollar) maýa goýumyny yglan etdi. Bu barada “Reuters” habar berýär.
Taslamanyň çäginde kompaniýalar 2028-nji ýyla çenli adatdan daşary ýagdaýlary çaklap, ulag şertlerinde olary howpsuz sürüp, töwekgelçiligi azaldyp biljek ulgam döretmegi maksat edinýärler.
“Toyota” we “NTT” -iň hyzmatdaşlygy 2017-nji ýylda kompaniýalaryň awtoulaglar üçin 5G tehnologiýasyny, şeýle hem "akylly" şäherleri ösdürmäge gönükdirilen taslamalary durmuşa geçirip ugranda başlandy. Täze ösüşler bilen kompaniýa awtonom tehnologiýa bazaryndaky ornuny berkitmegi maksat edinýär, häzirki wagtda bu ugurda Tesla we Hytaý öndürijileri öňde barýarlar.
“Toyota” entek taslama resmi taýdan yglan etmese-de, kompaniýanyň wekilleri NTT bilen hyzmatdaşlygyň dowam etjekdigini tassykladylar.
