“Barselonanyň” we Ispaniýanyň milli ýygyndysynyň 17 ýaşly hüjümçisi Lamin Ýamal 2023/2024-möwsüminiň jemi boýunça dünýäniň 21 ýaşa çenli iň gowy futbolçysyna berilýän “Kopa baýragyna” eýe boldy. Bu barada Parižiň Şatle teatrynda “France Football” žurnalynyň baýrak gowşurylyş dabarasynda yglan edildi.
Bu baýrak üçin ses berişligiň netijesi boýunça ikinji orny Madridiň “Realynyň” 19 ýaşly türkiýeli hüjümçisi Arda Gýuler eýeledi. Üçlügi “Mançester Ýunaýtedden” we Angliýanyň milli ýygyndysyndan Kobbi Maýnu jemledi. Ol hem 19 ýaşynda.
“Altyn topa” dalaşgärleriň sanawynda Ýamal sekizinji orny eýeledi. Ol baýragyň ilkinji onlugyna giren iň ýaş futbolçy boldy. Lamin bu üstünligi 17 ýyl 107 gün ýaşynda gazandy.
