25-nji oktýabrda Bangkokda (Tailand) “Miss Grand International 2024” halkara gözellik bäsleşiginiň final tapgyry geçirildi. Oňa dünýäniň dürli ýurtlaryndan jemi 69 sany gözel gatnaşdy. Bu barada stiletto.blog habar berýär.
Bäsleşigiň ýeňijisi diýlip, Hindistandan 20 ýaşly telekeçi Reýçel Gupta yglan edildi. Ol ilkibaşdan ýeňijilige esasy dalaşgärlerden biri hasaplanýardy.
Birinji ýeri filippinli Si Jeý Opiaza, ikinji ýeri mýanmaly The Su Neýn, üçünji ýeri fransiýaly Safetu Kabengele, dördünji orny braziliýaly Talita Hartmann eýeledi.
Bu halkara gözellik bäsleşiginiň geçiriljek ýeri hökmünde Bangkogyň saýlanyp alynmagy, Tailandyň guramaçylyk mümkinçiliklerini we ýurduň halkara çärelerine syýahatçylary çekmek ugrundaky tagallalaryny görkezdi.
