Hindistanyň wekili Harnaz Sandhu «Älem gözeli» (“Miss Wselennaýa”) gözellik bäsleşiginiň ýeňijisi boldy. Eýlat şäherinde geçirilen bu çäre bäsleşigiň YouTube sahypasynda ýaýlyma berildi. Bu barada TASS habar berýär.
Dabaranyň final bölegine 10 gatnaşyjy çykdy, soň şolardan diňe bäşisine emin agzalarynyň möhüm mowzuklara bagyşlanan soraglaryna jogap bermek we finala ýakynlaşmak mümkinçiligi berildi. Bu tapgyrdan soň Hindistanyň, Paragwaýyň we GAR-yň wekilleri galdy. Olar belli bir mowzuk boýunça gysgaça çykyş etmeli boldular.
Bäsleşige gatnaşyjylara häzirkizaman dünýäsinde basyş bilen ýüzbe-ýüz bolýan gyzlara maslahat bermek teklip edildi. Ýeňiji ýaşlara özüňe ynanmak, özüňi beýlekiler bilen deňeşdirmezlik hem-de dünýäde bolup geçýän möhüm wakalar barada pikirlenmek çagyryşy bilen ýüzlendi.
70-nji bäsleşige 80 ýurtdan gyzlar gatnaşdy.
