Antuan de Sent-Ekzýuperiniň “Kiçijik şazada” romanynyň awtoryň köp düzedişleri bilen kömür galam bilen ýazylan seýrek golýazmasy her ýyl geçirilýän Abu Dhabi Art çeperçilik ýarmarkasynda pesinden 1,25 mln dollara satylar. Bu barada The Guardian neşiri habar berýär.
Peter Harrington kitap dükanynyň işgärleri munuň göçürilen üç nusganyň ilkinji ýyglan görnüşidigini belleýärler.
Bu nusga “On ne voit bien qu’avec le cœur. L’essentiel est invisible pour les yeux” setirleri ilkinji gezek goşulýar. Terjime edilende bu setirler “Ýürek bilen duýanyňy gözüň bilen görmersiň” diýen manyny berýär.
Peter Harrington-yň edebiýat boýunça uly hünärmeni Semmi Jeýiň aýtmagyna görä, Sent-Ekzýuperi öňki garalamalarynda “bu jümläni kellesinde aýlapdyr”. Eseriň bu nusgasynda bolsa okyjy awtoryň ilkinji gezek bu sözlemi doly ýazandygyny görüp bilýär.
Kitaba iki sany asyl galam bilen çekilen surat, şol sanda öýüne gaýdyp barýan şazadanyň garalama suraty we Sent-Ekzýuperi tarapyndan gol çekilen 100 dollarlyk çek goşulýar.
“Kiçijik şazada” ABŞ-da 1943-nji ýylda, Fransiýada 1946-njy ýylda çap edildi. Eser, dini tekstleri hasaba almazdan, dünýäde iň köp terjime edilen kitap boldy. Wakalar Ýere uzak planetadan uçup gelen we ýeke-täk dosty Bägül bolan Kiçijik şazada duşýan uçarmanyň adyndan gürrüň berilýär. Sent-Ekzýuperi eseri Nýu-Ýorkda ýazypdyr.
