Huawei Android-e garaşly bolmadyk HarmonyOS Next-i çykardy. Ol 30% kuwwatly

  • 25.10.2024 15:04
  • 6.7k+

Huawei täze HarmonyOS Next operasion ulgamyny resmi taýdan hödürledi. Ol Android-iň arhitekturasyna düýbünden garaşsyz diýip, Hytaýyň China Daily neşiri ýazýar.

Bu eýýäm HarmonyOS-yň bäşinji wersiýasy. Huawei-iň ýerine ýetiriji direktory Ýuý Çendunyň sözlerine görä, OS Linux ýadrosyny we Android-iň başlangyç  koduny ulanmazdan, noldan döredildi. Ulgamyň öz ýadrosy, programmirleme dili we emeli aň funksiýalary bar.
HarmonyOS Next eýýäm 1 milliarddan gowrak enjamda işleýär we 15 müňden gowrak programmany goldaýar. Kompaniýanyň mälim etmegine görä, täze OS-yň öndürijiligi 30%, energiýa netijeliligi 20% ýokarlandy. Operasion ulgamyna suratlar we ses kömekçisi bilen işlemek mümkinçiligini giňeldýän Pang AI modeli hem goşuldy.
HarmonyOS-yň esasy artykmaçlygy smartfonlar, awtoulaglar we beýleki “akylly” enjamlar ýaly dürli platformalaryň utgaşdyrylmagydyr. Huawei HarmonyOS Next-de işleýän iki enjamyň arasynda 1,2 Gb faýly bary-ýogy 8 sekuntda geçirip bolýar diýip tassyklaýar.
Ulgam derejesinde enjamy goramaklygy Star Shield arhitekturasy üpjün edýär.
HarmonyOS-yň ilkinji tolkuny Hytaýdaky Pura 70, Pocket 2 we MatePad Pro 11 (2024) modellerine täsir etdi diýip, GSMarena neşiri belleýär.


düýn 16:51
1.1k+

Google Pixel iň çalt ösýän premium-smartfon brendi boldy

Google Pixel brendi 2025-nji ýylyň birinji ýarymynda premium smartfonlaryň bazarynda rekord ösüşi görkezdi. Bu barada Counterpoint Research analitiki kompaniýasyna salgylanyp, 9to5Google habar berýär. Pixel smartfonlarynyň satuwy geçen ýylyň degişli döwri bilen deňeşdirilende 105% ýokarlandy...

07.09.2025 19:34
1.8k+

Huawei 546 dollar bahadan MatePad Mini planşetini hödürledi

Huawei kompaniýasy diagonaly 8,8 dýuým ekranly ykjam MatePad Mini planşetini hödürledi. Gurluş täzelenme ýygylygy 120 Gs we iň ýokary ýagtylygy 1800 kd/m2 bolan 2560 × 1600 piksel durulykda OLED displeýine eýe boldy...

06.09.2025 15:44
3.3k+

Android-de smartfona Wi-Fi ýa-da Bluetooth arkaly hüjüm etmäge mümkinçilik berýän kemçilik aýryldy

Google Android üçin sentýabrdaky howpsuzlyk täzelenmesini çykardy we onda 111 gowşaklyk düzedildi. Olardan 84-üsi operasion ulgam, 27-isi Qualcomm önümleri bilen baglanyşykly diýip, BleepingComputer habar berýär...

05.09.2025 10:48
3.9k+

Huawei stilusly üç eplenýän Mate XTs smartfonyny hödürledi

Huawei stilus goldawyna eýe bolan dünýäde ilkinji üç eplenýän smartfony – täze Mate XTs-i hödürledi. Kompaniýa häzirlikçe şeýle görnüşi hödürleýän ýeke-täk öndüriji bolup galýar. Mate XTs üç epleme mehanizmi bilen üpjün edildi: ýygnalan görnüşde ekranyň diagonaly 6,4 dýuýma, açyk görnüşde 10,2 dýuýma barabar...