2024-nji ýylyň 27-29-njy oktýabry aralygynda Türkmenistanda Ermenistan Respublikasynyň Medeniýet günleri geçiriler. Esasy çäre 28-nji oktýabrda Türkmenistanyň Döwlet medeniýet merkeziniň Mukamlar köşgünde geçiriljek Ermenistanyň Tatula Altunýan adyndaky döwlet aýdym-saz ansamblynyň çykyşy bolar diýip, "Türkmenistan: Altyn asyr" elektron neşiri habar berýär.
Çäreleriň maksatnamasy kino we animasiýa ýaly ermeni medeniýetiniň dürli taraplaryny öz içine alýar.
«Watan» kinokonsert merkezinde, «Aşgabat» kinoteatrynda tomaşaçylara ermeni filmleri we multfilmleri görkeziler. «Şarpyk» (27-nji oktýabr), «Aýrik» (28-nji oktýabr) we «Bagdasar aýaly bilen aýrylyşýar» (29-njy oktýabr) atly üç sany ermeni filmine tomaşa edip bilerler. «It we pişik», «Gök deňizde, ak köpükde ...» we beýleki ermeni multfilmleri hem görkeziler.
Çäreler 29-njy oktýabrda iki ýurduň medeni jebisligini nygtajak Türkmenistanyň we Ermenistanyň sungat ussatlarynyň bilelikdäki konserti bilen tamamlanar.
