Qualcomm kuwwatly Snapdragon 8 Elite çibini hödürledi: ony haýsy smartfonlar alar

  • 24.10.2024 19:30
  • 2.9k+

Qualcomm kompaniýasy täze bir kristally Snapdragon 8 Elite ulgamyny anons etdi. Ol Snapdragon 8 Gen 3-üň ornuny tutar.

Bu çipset flagman Android smartfonlary üçin niýetlenýär we pudakda iň kuwwatlysy hökmünde görkezilýär. Sekiz ýadroly prosessor iki ýokary ýygylykly ýadrony (4,32 GGs) we alty öndürijilikli ýadrony (3,53 GGs çenli) öz içine alýar. Snapdragon 8 Elite 24 Mb göwrümli ikinji derejeli keşi we 5300 MGs ýygylykly LPDDR5X operatiw ýadyny ulanýar.
Çip TSMC kompaniýasynyň 3-nm tehprosesi boýunça öndürilen. Qualcomm geçenki wersiýa bilen deňeşdirilende, öndürijiligiň 45% we energiýa tygşytlylygynyň bolsa 44% ýokarlanjakdygyny nygtaýar. Ardeno grafiki prosessory öndürijiligi 40% gowulandyrýar we energiýanyň sarp edilişini optimizasiýa edýär. Täzelenen Unreal Engine 5.3 hem goldanylýar.


Snapdragon 8 Elite çibini ilkinji bolup aljak modeller:

  • Xiaomi 15 we 15 Pro
    Snapdragon 8 Elite bilen üpjün ediljek ilkinji smartfonlar. Premýeranyň geljek hepde bolmagyna garaşylýar. Geekbench synaglary öňki bilen deňeşdirilende öndürijiligiň 50% ýokarlanandygyny görkezdi.
  • iQOO 13
    6,82 dýuým AMOLED displeýi, 6150 mA/sag batareýa, 120 Wt zarýad beriş goldawy we 50 MP üç kamera bilen enjamlaşdyryldy.
  • One Plus 13
    31-nji oktýabrda çykar. Smartfon 1 TB ýat we 6000 mA/sag batareýa alar.
  • Honor Magic7
    Tanyşdyrylyş dabarasy 31-nji oktýabrda bolar. Optiki zumy, ultrases skaneri we ýüzi tanamak ulgamyny öz içine alýar.
  • Realme GT 7 Pro
    Premýera 2024-nji ýylyň noýabr aýynda bolar. Gurluş 6500 mA/sag batareýa, IP68 goragyna, dört kameraly bloga eýe bolar.
  • Asus ROG Phone 9
    Oýun flagmany 19-njy noýabrda çykar. Onuň iň kuwwatly oýun smartfony bolmagyna garaşylýar.
  • Samsung Galaxy S25 Ultra
    Snapdragon 8 Elite-yň top-model üçin has kämilleşdirilen wersiýasy bilen 2025-nji ýylyň başynda hödürlenmegine garaşylýar.

24.05.2025 13:07
3.8k+

Xiaomi kompaniýasy 15s Pro flagmanyny we kofe ysly Civi 5 Pro smartfonyny hödürledi

Xiaomi-niň 15 ýyllygy mynasybetli Hytaýda kompaniýanyň uly tanyşdyrylyş dabarasy geçirildi we onda beýlekiler bilen bir hatarda, iki sany täze smartfon hödürlendi: kompaniýanyň öz prosessoryny alan Xiaomi 15s Pro flagmany we Leica kameraly orta derejeli Civi 5 Pro modeli...

24.05.2025 13:03
1.5k+

Xiaomi kompaniýasy Pad 7 Ultra planşetini we Watch S4 eSIM akylly sagadyny görkezdi

Ýubileý tanyşdyrylyş dabarasynda Xiaomi kompaniýasy Pad 7 Ultra planşetini we Watch S4 eSIM 15th Anniversary Edition akylly sagadyny hödürledi. Planşet 10 ýadroly XRing 01 çipseti bilen enjamlaşdyryldy. Ol AnTuTu testinde 3 milliondan gowrak bal gazandy...

22.05.2025 12:50
1.9k+

Xiaomi çip döretmek işine tas $7 mlrd maýa goýar we täze ulagyny hödürlär

Hytaýyň Xiaomi kompaniýasy ýakyn on ýylda ykjam gurluşlar üçin hususy mikroçipleri işläp taýýarlamaga 50 mlrd ýuan ($6,9 mlrd) maýa goýar. Bu barada kompaniýanyň esaslandyryjysy Leý Szýun Weibo sosial ulgamynda habar berdi...

09.05.2025 09:44
1.7k+

Xiaomi täze Mix 5 bilen Mix smartfon hataryny dikeldýär

Xiaomi kompaniýasy Mix smartfonlarynyň hataryna gaýdyp gelmäge taýýarlanýar. Bu barada hytaýly insaýder Digital Chat Station habar berdi. Onuň maglumatlaryna görä, kompaniýa täze Xiaomi Mix 5 modeliniň önümçiligine taýýarlanyp başlady...