Samsung Galaxy Ring akylly ýüzügi geçen hepde Hindistanda deslapky sargyt üçin elýeterli boldy, häzir bolsa ol satuwa çykdy. Bu barada IXBT habar berýär.
Akylly ýüzügiň bahasy Hindistanda 465 dollar (ABŞ-da baha 400 dollar) bolup, Titanium Black, Titanium Silver we Titanium Gold reňklerde hem-de 5-den 13-e çenli dokuz ölçegde elýeterlidir. Gurluşa simsiz usul arkaly zarýad berip bolýar.
Galaxy Ring ulanyjynyň saglyk ýagdaýyny doly kesgitlemek üçin, hereketi, ukynyň hilini we ýürek ýygrylmasynyň ýygylygyny seljerip, saglyk ýagdaýy barada giňişleýin maglumat berýär. Galaxy Ring gündelik hereketlere çydamly we suw geçirmeýär, bu hem ony suwda ýüzmek we beýleki işler üçin amatly edýär. Şeýle-de, gurluş şahsy tälimçi hökmünde çykyş edip, emeli aňyň esasynda höweslendiriji habarlary we ulanyjynyň işjeňligi esasynda türgenleşik maslahatlaryny berýär.
Galaxy Ring IP68 goragyna eýe boldy. Ol daýwing ýa-da ýokary basyş astynda suw işleri üçin laýyk gelmese-de, 30 minutyň dowamynda 1,5 metr çuňluga çümmek üçin çydamlydyr.
