Samsung eplenýän flagman smartfonynyň täze wersiýasyny - Galaxy Z Fold 6 Special Edition-ni hödürledi. Enjam Galaxy Z Fold tapgyrynyň iň inçe we ýeňil görnüşine öwrüldi diýip, Gizmochina habar berýär.
Täze enjamyň galyňlygy bary-ýogy 10,6 mm, agramy 236 gram, bu bolsa adaty Galaxy Z Fold 6 modelinden 1,5 mm inçe we 3 gram ýeňil diýildigidir.
Smartfon 25-nji oktýabrda takmynan 2000 dollar bahasy bilen Günorta Koreýada çykar. Ol 16 Gb RAM we 512 Gb içerki fleş ýady bolan diňe Black Shadow reňkinde elýeterli bolar.
Hytaýda bu modeliň ady, çaklanylyşy ýaly, Samsung Galaxy W25 diýip täzelener.
Special Edition-iň aýratynlygy optiki şekili durnuklaşdyrmagy (OIS) goldaýan 200 megapikselli täze kameradyr. Şeýle hem smartfon 12 megapiksel ultra giň burçly we 3x optiki ýakynlaşdyrmagy goldaýan 10 megapikselli telefoto modullary bilen enjamlaşdyrylandyr. Kameralar 4K wideo ýazgyny sekuntda 60 kadr tizlikde goldaýar, esasy kamera bolsa sekuntda 30 kadr tizlikde 8K wideo düşürip biler.
Galaxy Z Fold 6 Special Edition Snapdragon 8 Gen 3 for Galaxy bilen işleýär we simli we simsiz zarýad bermek üçin 4400 mA·h akkumulýator bilen üpjün edilendir.
Enjam 5G, Wi-Fi 7, Bluetooth 5,3 we NFC-ni goldaýar.
