Samsung Galaxy A16 4G smartfony hödürlendi, ol 6 ýyllap täzelenme alar

  • 21.10.2024 11:15
  • 11k+

Samsung Fransiýada Galaxy A16 5G we Galaxy A16 4G smartfonlaryny hödürledi. Bulardan birinjisi ýakynda görkezilipdi, ikinjisiniň resmi premýerasy bolsa indi geçirildi. Smartfon bahalary heniz belli däl, ýöne öň Galaxy A16 4G-niň 5G goldawly wersiýadan, takmynan, 30 ýewro arzan boljakdygy habar berildi.

Gurluşlaryň ikisi-de 6 ýylyň dowamynda täzelener, bu hem Galaxy A16 4G-ni koreý kompaniýasynyň häzirki wagtda şeýle dowamly programma goldawyny alýan iň elýeterli modeline öwürýär.
Smartfon diagonaly 6,7 dýuým, durulygy Full HD+ we kadr ýygylygy 90 Gs bolan AMOLED ekranyna eýe boldy. Smartfonda SoC MediaTek Helio G99 prosessory, 4 GB operatiw ýat we 128 GB fleş-ýat ulanylýar. Akkumulýator sygymy 5000 mA/sag barabar, ol 25 Wt kuwwatly zarýad berşi goldaýar. Frontal kamera 13 Mp, esasy kameralar toplumy 50, 5 we 2 Mp datçiklerden ybarat. Şeýle-de, IP54 goragy, Wi-Fi 5, Bluetooth 5.3, NFC, USB Type-C porty we nauşnikler üçin adaty ýer bar.
Galaxy A16 Android 14-üň esasynda One UI 6.1-iň dolandyrmagynda işleýär. Ol noýabr aýynda satuwa çykar.


düýn 17:29
1k+

Samsung Unpacked tanyşdyrylyşyny senesini resmi taýdan tassyklady: 9-njy iýulda nämeler garaşýar

Samsung 9-njy iýulda Galaxy Unpacked tanyşdyryş çäresiniň geçiriljekdigini resmi taýdan tassyklady. Täze enjamlar Nýu-Ýorkda, ýerli sagat bilen sagat 10:00-da (Aşgabat wagty bilen 19:00-da) görkeziler diýip, The Verge habar berýär...

22.06.2025 19:32
6.3k+

Samsung islegiň peselmegi sebäpli Galaxy S25 Edge smartfonynyň önümçiligini azaldýar

Samsung Galaxy S25 Edge smartfony mahabat kampaniýalaryna we alyjylara wada berlen bonuslara garamazdan, satuwa gowşak başlady we şowsuz bolmaga ýakynlaşýar. Günorta Koreýanyň The Elec neşiriniň habar bermegine görä, smartfonyň satuwy kompaniýanyň çaklamalaryndan pes boldy, şol sebäpli Samsung onuň önümçilik möçberini azaltdy...

22.06.2025 11:50
4.2k+

Honor iň inçe we ýeňil eplenýän smartfony bilen Samsung-dan öňe geçer

Honor kompaniýasy Galaxy Z Fold 7 çykmazdan öň Magic V5 modelini hödürlemek bilen eplenýän smartfonlaryň bazarynda Samsung-y gysyp çykarmak isleýär. Hytaý kompaniýasy smartfonyň suraty bilen tizer hödürläp, onuň tanyşdyryljak senesiniň 2-nji iýulda boljakdygyny yglan etdi...

22.06.2025 11:38
2.9k+

Samsung smartfonlarynda täze funksiýa ilkinji sarsgynlardan öň ýertitremeler barada duýdurar

Samsung kompaniýasy Google-dan tapawutlylykda has köp mümkinçilikleri hödürleýän ýertitremeler barada hususy duýduryş ulgamyny işläp taýýarlaýar. One UI 8-iň beta-wersiýasynda seýsmiki hadysalar barada duýduryş funksiýasy ýüze çykaryldy...