Apple kompaniýanyň 17-nji seriýaly enjamlarynyň biri boljak, has inçe korpusly innowasion iPhone 17 Slim (Air) smartfonyny hödürlemäge taýynlanýar. Bu barada RBC Life neşiri giňişleýin gürrüň berdi.
Deslapky maglumatlara görä, täze enjamyň galyňlygy bary-ýogy 5 mm bolar, bu häzirki Apple modelleriniňkiden ep-esli kiçidir. Sensor we dolandyryş panellerini bir gata birleşdirýän OLED TDDI tehnologiýasynyň kömegi bilen, smartfon suratyň ýokary hilini we energiýa netijeliligini saklar.
iPhone 17 Slim-iň beýleki iPhone 17 modelleri bilen bilelikde 2025-nji ýylyň sentýabr aýynda çykarylmagyna garaşylýar.
Häzirki wagtda smartfonyň aşakdaky aýratynlyklar bize belli:
- prosessor we operatiw ýat: A19 Bionic we 8 GB RAM;
- içki ýat: 128 GB-dan 1 TB çenli;
- ekran: 6,6 dýuýmlyk 2740x1260 durulykdaky OLED TDDI, ProMotion 120 Gs;
- esasy kamera: ýeke 48 MP;
- öňdäki kamera: 24 MP;
- batareýa: 3000 mA/s;
Analitikleriň pikiriçe, enjam häzirki Plus wersiýasynyň ornuny eýeläp, premium modeli hökmünde bolar.
Çaklamalara görä, iPhone 17 Slim-iň (Air) bahasy 1299 dollardan başlar, bu bolsa flagman iPhone 17 Pro Max-yň başlangyç wersiýasyndan 100 dollar gymmatdyr.
