Boks boýunça öňki absolýut dünýä çempiony Kostýa Szýunyň ogly Tim Orlandoda (ABŞ, Florida ştaty) geçirilen söweşde russiýaly Bahram Murtazaliýewden ýeňildi.
Söweş üçünji raundda Murtazaliýewiň tehniki nokaut arkaly ýeňiş gazanmagy bilen tamamlandy.
Szýu russiýaly türgenden birinji orta agramda (69,9 kg çenli) Halkara boks federasiýasynyň (IBF) çempion titulyny alyp bilmedi.
31-nji martda geçirilen soňky söweşinde Szýu amerikaly Sebastýan Fundoradan ýeňlip, karýerasynda ilkinji ýeňlişine sezewar bolupdy. Şonda ol birinji orta agramda Bütindünýä boks guramasynyň (WBO) dünýä çempiony titulyny gorap bilmedi. 29 ýaşly türgeniň hasabynda professional ringde 26 söweşde 24 ýeňiş bar.
31 ýaşly Murtazaliýew karýerasynda 22 söweşiň ählisinde ýeňdi. Ol IBF-niň çempion titulyny aprel aýynda germaniýaly Jek Kulkaýy nokaut ýagdaýyna düşürip gazandy.
