20-nji oktýabra geçilen gije Er-Riýadda (Saud Arabystany) PFL promouşeniniň garyşyk başa-baş söweşleriniň uly agşamy tamamlandy. Esasy söweşde agyr agramda (120 kg çenli) guramanyň çempiony braziliýaly Renan Ferreýra UFC-niň titulynyň öňki eýesi kamerunly Frensis Ngannu bilen duşuşdy.
Ngannu birinji raundda nokaut arkaly ynamly ýeňiş gazandy.
Ngannu üçin bu söweş garyşyk söweşlerde uzak arakesmeden soň ilkinji boldy. Ol öňki söweşini 2024-nji ýylyň mart aýynda boks düzgünleri boýunça Entoni Joşua garşy geçirip, nokaut arkaly ýeňlipdi.
Agşamyň ýene bir esasy söweşinde Kris Saýborg emin agzalarynyň karary bilen Larissa Paçekony ýeňdi.
Belläp geçsek, iki agram derejesinde UFC-niň öňki çempiony Konor Makgregor braziliýaly Renan Ferreýranyň agyr diwizionda titul söweşiniň çäklerinde Frensis Ngannuny nokaut bilen ýeňmegine 500 müň dollar goýupdy.
