Günorta Afrikada ýerleşýän Namibiýanyň goraghanasynda iki sany haýwan dostlaşdy: ýabany doňuz Betsi we surikat Jerri. Bu haýwanlar derrew internet torunda ýaýrap, ulanyjylara “Şa ýolbars” multfilminiň gahrymanlary Timon bilen Pumbany ýatlatdy.
Bu haýwanlar bilen wideolary trewel-bloger Ruben Lambrehts sosial ulgamlardaky sahypasynda ýerleşdirýär. Şeýle-de, Betsi bilen Jerriniň gatnaşmagyndaky wideolary “Bild” neşiri paýlaşdy.
Multfilmiň gahrymanlary ýaly haýwanlar iň gowy dostlar boldy. Wideolardan görnüşi ýaly, olar bilelikde wagt geçirmegi, biri-biri bilen oýnamagy gowy görýärler. Aýratynam, Jerri Betsiniň arkasynda oturmagy halaýar.
Mundan başga-da, haýwanlar goraghananyň beýleki ýaşaýjylary bilen hem gowy oňuşýarlar. Olar öý haýwanlary däldigine garamazdan, adamlardan asla gorkmaýan ýaly.
Bellenilişi ýaly, olar indi ýabany tebigata dolanyp bilmeýärler, ýöne öz tebigy ýaşaýyş gurşawyna ýakyn ýerde wagtlaryny geçirýärler, bu goraghanada olar barada alada edilýär.
