Germaniýa UEFA-nyň Milletler ligasynyň “A” diwizionynda 4-nji tapgyr oýnunda Niderlandlary kabul etdi. Germaniýalylar Jeými Lewelingiň ilkinji goly netijesinde 1:0 hasabynda utdular.
Oýundan öň “Alýans Arenada” dabaraly çäre geçirildi. Bundestim we futbol janköýerleri milli ýygyndynyň meşhur oýunçylary Tomas Mýuller, Manuel Noýer we Ilkaý Gündogan bilen hoşlaşdylar.
Germaniýanyň milli ýygyndysynyň düzüminde Noýeriň hasabynda 124 oýun, Gündoganda – 82 (19 gol), Mýullerde – 131 oýun (45 gol) bar.
Belläp geçsek, milli ýygyndyda karýerasyny tamamlan ýene bir ýyldyz Toni Kroos öz çagalar akademiýasynda futbol oýnunyň bolmagy sebäpli hoşlaşyk dabarasyny sypdyrdy.
2014-nji ýylda Braziliýada geçirilen dünýä çempionatynda Bundestim ýeňiji bolanda Noýer, Kroos we Mýuller toparyň düzümindedi.
