Belarusly Natalýa Doroşko “Älem gözeli – 2024” (Mrs Universe 2024) gözellik bäsleşiginiň ýeňijisi boldy. Bu barada çäräni gurnaýjylar sosial ulgamlarda habar berdi.
Halkara bäsleşik 2-nji oktýabrdan 10-njy oktýabr aralygynda Günorta Koreýanyň Inçhon şäherinde geçirildi. Finala Aziýa-Ýuwaş umman sebitinden, Ýewropadan, ABŞ-dan we öňki sowet döwletlerinden aýallar gatnaşdy.
Birinji wise-hanym Demirgazyk Aziýanyň wekili Nikita Kuşwa boldy, üçünji orny russiýaly Natalýa Çistýakowa eýeledi.
“Älem gözeli” halkara gözellik bäsleşigi 2007-nji ýyldan bäri geçirilýär. Oňa 18 – 55 ýaş aralygyndaky aýallar gatnaşyp bilýär. Şu ýyl täç üçin 115 dalaşgär bäsleşdi.
Bäsleşigiň aýratynlygy onuň diňe bir durmuşa çykan gyzlaryň gözelligini görkezmek däl-de, eýsem sosial taslama bolup, oňa gatnaşyjylaryň haýsydyr bir möhüm meseläni beýan etmegidir.
Ýeňşinden soň Natalýa Doroşko “ajaýyp tejribe”, şeýle-de “öz işlerine, pikirlerine we maksatlaryna” uly ynam gazanandygyny aýtdy.
2015-nji ýylda “Älem gözeli” halkara bäsleşigi Minskde geçirildi. Onuň ýeňijisi Kanadanyň wekili Eşli Bernem boldy.
