Roskosmos-yň kosmonawty Iwan Wagner Halkara kosmos stansiýasynyň (ISS) bortundan “Milton” harasadyny surata aldy diýip, TASS habar berýär.
Wagner: "Gün ýaşan çagy, “Milton” harasadyny gapdal penjireden surata aldym" –diýip gürrüň berdi.
10-njy oktýabr gijesi Florida ştatynyň kenarlarynda turan güýçli tebigy hadysa heläkçilige we adam pidalaryna sebäp boldy.
Tupan Saffir-Simpson şkalasy boýunça üçünji kategoriýa ýetdi, ýöne belli bir pursatda iň ýokary, bäşinji kategoriýa hem ýetdi baha berildi. Häkimiýetler giň gerimli ewakuasiýany yglan etdiler - umumy ilaty 5,9 million adam bolan 11 etrabyň ýaşaýjylaryna öýlerinden çykyp gitmek tabşyryldy. ABŞ-nyň prezidenti Jo Baýden Florida ştatynda adatdan daşary ýagdaý diýip yglan etdi we ýerli häkimiýetlere federal kömegi bermek barada buýruk berdi.
“Milton” birnäçe sebitde suwuň derejesiniň düýpgöter ýokarlanmagyna sebäp bolan güýçli ýagyşlary getirdi.
Tüweleýiň derdinden dörän tornado sebäpli ýüzden gowrak öý ýykyldy we 3 milliona golaý öý elektriksiz galdy.
Floridanyň hökümeti entek çekilen zyýanyň deslapky hasap möçberlerini yglan etmedi, ýöne “Milton”-yň we oktýabr aýynyň başyndaky “Helen” tupanynyň pidalarynyň her tupanyň netijeleri üçin aýratyn töleg aljakdygyny aýtdy.
