Ýewropanyň Futbol Assosiasiýalarynyň Birleşigi (UEFA) we Ýewropa klublarynyň assosiasiýasy (ECA) hyzmatdaşlyk baradaky şertnamany uzaltdylar. Bu barada iki guramanyň saýtlarynda habar berilýär diýip, RIA Nowosti belleýär.
2023-nji ýylyň sentýabr aýynda gol çekilen şertnama 2033-nji ýylyň iýul aýyna çenli uzaldyldy.
“Biziň ECA bilen hyzmatdaşlygymyz – bu tutuş Ýewropa futbol piramidasyna peýda getirýän inklýuziw, durnukly we dinamiki ekoulgamyň binýady. Biz bilelikde UEFA-nyň klub ýaryşlarynyň ähmiýetini artdyrmaga we her sebitde ähli derejelerdäki klublaryň gülläp ösüşini üpjün etmäge çalyşýarys” – diýip, UEFA-nyň prezidenti Aleksander Çeferin aýtdy.
“ECA bilen UEFA-nyň arasyndaky hyzmatdaşlygyň uzaldylmagy Ýewropanyň ähli klublary hem-de Ýewropa futbolynyň durnuklylygy üçin örän gowy täzelik. Ähtnama mundan beýläkki ösüşi we ähli derejelerde üstünligi üpjün etjek dolandyryş, täjirçilik meseleleri boýunça UEFA bilen hyzmatdaşlygymyzy berkidýär. Ýewropanyň 55 ýurdundan 700-den gowrak klub ECA-nyň agzasydyr we biz UEFA bilen ynamly gatnaşyklarymyzy çuňlaşdyrmaga şat” – diýip, ECA-nyň ýolbaşçysy Nasser Al-Helaifi belledi.
