Koreýanyň Samsung kompaniýasy eplenýän smartfon Galaxy Z Fold 2-ni könelişen diýip resmi taýdan ykrar etdi. Bu barada kompaniýanyň saýtynyň gurluş bölümindäki üýtgeşmelere salgylanyp, SamMobile neşiri habar berýär. Täzelenmeleri we täze funksiýalary almagy dowam etdirýän modelleri görkezýän bu bölümde 2020-nji ýylyň güýzünde çykan Galaxy Z Fold 2 smartfony ýok.
Galaxy Z Fold 2-niň satuwy başlanan wagty kompaniýa azyndan üç ýyl täzelenme bilen goldamagy wada berdi. Soňky täzelenme One UI 5.1.1 2023-nji ýylyň ahyrynda çykdy, şondan soň howpsuzlyk patçileri çykyp başlady, ýöne tiz wagtdan olaryň çykarylmagy-da bes ediler.
Žurnalistler kompaniýanyň ýörgünli eplenýän smartfonynyň Galaxy Z Fold 6-dygyny belleýärler. 2020-nji ýyldaky modelden tapawutlylykda, bu gurluş ýedi ýyllap Android täzelenmelerini we howpsuzlyk patçilerini alar.
ABŞ-da Galaxy Z Fold 2-niň bahasy satuwyň başynda 2000 dollardy, şol sebäpli ol iň gymmat tapgyrlaýyn smartfonlaryň biri boldy.
