“Mançester Siti” futbol kluby assosirlenen taraplar (ART) bilen geleşikleriň düzgünleri bilen bagly Angliýanyň Premýer-ligasyna (APL) garşy açylan kazyýet işinde ýeňiş gazanandygyny mälim etdi. Araçy kazyýet liganyň düzgünlerini bikanun diýip yglan etdi we APL-iň agalyk ediji ýagdaýyndan hyýanatçylykly peýdalanandygyny aýtdy.
Kazyýet işi “Mançester Sitiniň” tomusda liganyň garşysyna "köpçülige sütem etmekde" we "kemsidilmede" aýyplap, kazyýet işini açdyrandan soň başlandy. Klub hemaýatkärlik şertnamalaryny dolandyrýan APT-yň düzgünlerine garşy çykýardy.
Kazyýetiň karary düzgünleriň gurluşynda-da, “Mançester Siti” babatda ulanylanda-da adalatsyzdygyny ýüze çykardy. Hususan-da, "düzgünler paýdarlara berilýän karzlary bilkastlaýyn aýyrýandygy sebäpli häsiýeti boýunça kemsidiji diýip bilindi" – diýip, “Mançester Sitiniň” arzasynda aýdylýar.
Mundan başga-da, Araçy Kazyýet Premýer-liganyň klubuň iki hemaýatkärlik şertnamasyna baha bermek baradaky kararyny ýatyrmak barada karar berdi. Kazyýetiň pikirine görä, Ýokary ligada prosessual adalatlylyk düzgünleri bozulypdyr we geleşikleriň bazar bahasyna baha berilmegi yza süýşürilipdir, bu hem düzgün bozma hasaplandy.
Bu karar 115-den gowrak maliýe feýr-pleýini bozmakda aýyplanýan “Mançester Siti” babatda başga bir derňew işine täsir edip biler diýip çaklanylýar.
Klub işe adalatly garalandygy we oňyn netijesi üçin kazyýete minnetdarlyk bildirdi.
