Samsung býujet segmentindäki smartfonlar üçin rekord derejede täzeleniş goldawyny özünde jemleýän täze Galaxy A16 5G smartfonuny hödürledi.
Günorta Koreýanyň tehnologiýa ägirdi enjamy üç ýylyň dowamynda Android 16 -a çenli täzelemegi, soňra bolsa ulanyjylara iň soňky täzelenmeleri 2030-njy ýyla çenli almaga mümkinçilik berjek howpsuzlyk programmalaryny ýene üç ýyl goýbermegi wada berýär. Bu, adatça, goldawy 3-4 ýyldan köpe gitmeýän býujet modelleriniň standart goldaw möhletinden ep-esli ýokarydyr.
Smartfon IP54 standartyna laýyklykda çyglylykdan we tozandan goraýan plastmassa korpusda ýasalandyr. Gapdalda ýerleşýän güýç düwmesi barmak yzy datçigi hökmünde çykyş edýär. Şeýle hem, model stereo dinamikler bilen enjamlaşdyrylan we goşa SIM kartany goldaýar.
Samsung Galaxy A16 5G-niň häsiýetnamasy:
- Ekrany: tekiz, 6,7 dýuým, Super AMOLED, 1080x2340, 90 Gs;
- Prosessory: 8 ýadroly Exynos 1330 (2,4 GGs);
- Ýady: 4 + 128 GB, 1,5 TB çenli mikro SD kart ýeri;
- Kameralar: esasy 50 MP, giň burçly 5 MP, makro 2 MP, öňdäki 13 MP; FullHD / 30fps wideo;
- Batareýasy: 5000 mAh, çalt zarýad 25 Wt; simsiz ýa-da rewersiw zarýad ýok;
- Birikdirmek: USB-C USB 2.0, Bluetooth 5.3, Wi-Fi, NFC, 5G;
- OS: Android 14, programma üpjünçiligi 2030-njy ýylyň 31-nji oktýabryna çenli täzelenýär;
- Ölçegleri: 164,4x77.9x7,9 mm, agramy 200 gr.
Häzirki wagtda Galaxy A16 5G Hindistanda we Taýlandda satylýar, ol ýerde birnäçe reňkde elýeter: goýy gök, pöwrize, altyn we kümüş.
Enjamyň bahasy 249 ýewro. Smartfonyň ýakyn wagtda beýleki bazarlarda satuwa çykarylmagyna garaşylýar.
