TD Cowen-iň analitikleri 256 GB ýady bolan täze iPhone 16 Pro Max-yň önümçilik çykdajylarynyň 485 dollardygyny hasapladylar. Komponent çykdajylary öňki model bilen deňeşdirilende bary-ýogy 32 dollar (7%) ýokarlandy. Deňeşdirmek üçin, iPhone 15 Pro Max-yň önümçilik çykdajylary bolsa, 453 dollar.
Şol bir wagtyň özünde, komponentleriň bahalarynyň ýokarlanmagy esasan häzirki bazar şertleri bilen baglanyşykly. Mysal üçin, LPDDR5 / LPDDR5X operatiw ýadynyň bahasy 12 dollardan 17 dollara, 256 GB SSD-niň bahasy bolsa 17 dollardan 22 dollara çenli ýokarlandy.
Esasy çykdajylar hersi 80 dollar bolan kamera we ekrana degişlidir, bu baha enjamyň bahasynyň 16%-idir. Deňeşdirmek üçin, iPhone 15 Pro Max kamerasynyň bahasy 70 dollar.
A18 Pro prosessorynyň önümçilik çykdajylary bolsa, 40 dollardan 45 dollara çenli ýokarlandy.
Analitikler 2024-nji ýylyň dördünji çärýeginde Apple-iň takmynan 80 million iPhone öndürjekdigini çaklaýarlar, şolardan 65 milliony iPhone 16 bolar. Pro we Pro Max modelleriniň geçen ýylkydan has gowy satylmagyna garaşylýar.
