YouTube wideoplatformasy 15-nji oktýabrdan Shorts formatyndaky gysga wideolaryň dowamlylygyny bir minutdan üç minuda çenli uzaldýar. Bu täzelik öz pikirlerini iş ýüzüne geçirmek üçin has köp wagt isleýän mazmun döredijilerden gelen köp haýyşlara jogap hökmünde ýüze çykdy diýip, RIA Nowosti habar berýär.
“Bu funksiýa döredijileriň arasynda iň köp isleg bildirilen funksiýa boldy, şonuň üçin biz öz wakaňyzy gürrüň bermäge köpräk mümkinçilik hödürleýändigimize begenýäris” – diýlip, kompaniýanyň habarynda aýdylýar.
Mundan başga-da, YouTube ulanyjylara mazmuny has gowy dolandyrmaga kömek etjek täzelenmeleri hödürlär. Hususan-da, esasy lentada az Shorts görmäge mümkinçilik berýän funksiýa giriziler. Şeýle-de, wideo döretmek işini ýönekeýleşdirmek üçin şablonlar we bar bolan wideolar bilen remiksleri döretmegiň kämilleşdirilen ulgamy elýeterli bolar.
