Ýaponiýanyň öňdebaryjy awtomobil konserni Toyota Motor täjirçilik ýolagçy gatnawlary üçin aerotaksileri öndüriji kompaniýa Joby Aviation-a $500 mln maýa goýar. Bu barada kompaniýanyň metbugat gullugyna salgylanyp, TASS habar berýär.
“Toyota Motor Corporaion we Joby Aviation şu gün iki kompaniýanyň howa hereketi baradaky umumy göz ýetirişini durmuşa geçirmek maksady bilen Toyota-nyň Joby elektrik howa taksisiniň şahadatnamalaşdyrylmagyny we täjirçilik önümçiligini goldamak üçin goşmaça $500 mln maýa goýjakdygyny yglan etdiler” – diýlip, resminamada aýdylýar.
Maliýeleşdiriş 2024-nji ýylyň ahyrynda we 2025-nji ýylda iki deň tranşda amala aşyrylar. Muňa jogap hökmünde Toyota amerikan startapynyň paýnamalaryny alar.
Täjirleşdirmegiň birinji tapgyry üçin önümçilik bileleşigini döretmek meýilleşdirilýär. Şeýlelikde, ýapon konserniniň Joby Aviation-a umumy maýa goýumy 894 mln dollara ýeter. Kompaniýalar hyzmatdaşlygy ýedi ýyl bäri dowam etdirýär.
Belläp geçsek, ýakynda Joby-nyň Kaliforniýadaky önümçilik hataryndan uçýan enjamyň üçünji prototipi çykdy. Görkezmek üçin niýetlenen wodorod-elekrik howa taksisi synaglaryň dowamynda goşmaça ýangyç guýmazdan 900 km-den gowrak aralygy uçup geçdi.
