YouTube ABŞ, Ýewropa we Aziýa ýaly dünýäniň dürli sebitlerinden ulanyjylaryň akkauntlaryny ýalňyşlyk bilen blokirledi. YouTube kompaniýasy bu meseläni boýun alyp, resmi blogunda ýagdaýy düzetmegiň üstünde eýýäm işleýändigini habar berdi.
Akkauntlar, hamala, “spam, aldawçylykly amallar we kezzapçylyk syýasatynyň” bozulandygy üçin bloklanypdyr. Akkauntlaryň blokirlenendigi baradaky habar ulanyjylara elektron poçta arkaly iberildi. Käbir ýagdaýlarda ulanyjylar ýüz tutmak arkaly akkauntlaryna elýeterliligi dikeldip bildiler.
Google-yň wekilleri ulanyjylardan ötünç sorap, akkauntlaryň we tölegli ýazylyşyklara (YouTube TV, YouTube Premium и YouTube Music) elýeterliligiň dikeldiljekdigine ynandyrdy.
“Biz goýberen ýalňyşlygymyz üçin gynanýarys we ähli zat düzedilenden soň size habar bereris. Eger siziň kanalyňyz tötänleýin bozulan we dikeldilen bolsa, siz käbir mazmunyň, mysal üçin, pleýlistleriň ýok bolup biljekdigini görersiňiz. Alada etmäň – bu wagtlaýyn we ähli mazmunyňyz tiz wagtdan dikeldiler” diýip, Google düşündirdi.
