Kanadaly repçi Dreýkiň “It’s All a Blur” konsert-syýahatynyň çäklerinde geçirilen konsertler üçin petek satuwlarynyň gutarnykly netijesi yglan edildi. Garaşylyşy ýaly, ol taryhda iň köp satylan hip-hop syýahaty boldy.
80 konsertden ybarat bolan syýahat, umuman, 320,5 mln dollar ýygnady. Jemi 1,3 mln petek satyldy. Bu barada Genius neşiri öz sosial ulgamlarynda habar berdi diýip, news.mail.ru belleýär.
“It’s All a Blur Tour” kanadaly repçi Dreýkiň Atlantadan repçi Savage 21 bilen ilkinji bilelikdäki “Her Loss” albomyna (2022) we sekizinji “For All the Dogs” studiýa albomyna (2023) goldaw hökmünde bäşinji konsert syýahaty boldy. Syýahat 2023-nji ýylyň 5-nji iýulynda Çikagoda başlady, onuň birinji tapgyry 7-nji oktýabrda Torontoda tamamlandy. Ikinji tapgyr 2024-nji ýylyň 2-nji fewralynda Tampada başlap, 4-nji aprelde Nýuarkda tamamlandy. Bu Dreýkiň soňky bäş ýylda Demirgazyk Amerika boýunça ilkinji konsert-syýahaty boldy.
