Dortmundyň “Borussiýasynyň” we “Liwerpulyň” öňki tälimçisi Ýurgen Klopp Germaniýanyň öňünde bitiren hyzmatlary üçin orden bilen sylaglandy. Bu barada Germaniýanyň Prezidentiniň metbugat sekretary Kerstin Gammeliniň X sosial ulgamyndaky sahypasyna salgylanyp, RIA Nowosti habar berýär.
Klopp daşary ýurtlarda Germaniýanyň at-abraýyny berkitmekde bitiren hyzmatlary üçin baýragy GFR-iň Prezidenti Frank-Walter Ştaýnmaýeriň elinden aldy.
Klopp 57 ýaşynda bolup, futbol karýerasynyň uly bölegini “Maýns” nemes toparynda geçirdi, soňra oňa ýolbaşçy boldy. Şeýle-de, ol Dortmundyň “Borussiýasynda” tälimçilik edip, onuň bilen iki gezek Germaniýanyň çempiony boldy. Angliýanyň “Liwerpulyny” bolsa Angliýanyň çempionatynda, Çempionlar ligasynda we Klublaýyn dünýä çempionatynda ýeňişlere getirdi.
