Pragmatic Semiconductor kompaniýasy Garward uniwersiteti we Şwesiýanyň gözleg we tehnologiýa kompaniýasy Qamcom bilen bilelikde döredilen dünýäde ilkinji çeýe RISC-V mikroprosessoryny hödürledi.
Bu 32-razrýadly gurluş hatda düýrlenen ýagdaýynda-da işe ukyplylygyny saklaýar. Işläp düzüjiler tarapyndan hödürlenen wideoda altynsow lentada ýerleşdirilen mikroshemalaryň öz funksionallygyny ýitirmän, steržen bilen nähili towlanýandygy görkezilýär.
Prosessor gurnalan maşyn biliminiň mümkinçiliklerine eýedir. Işläp düzüjileriň aýtmagyna görä, bu oýlap tapyş hasaplaýyş mümkinçiliklerini talap edýän dakylýan gurluşlar we bir gezeklik lukmançylyk önümleri üçin esas bolar.
Çeýe tehnologiýanyň ulanylmagy täze elektron ulgamlaryň döredilmegine ýol açýar.
FlexIC tehnologiýasy prosessorlara zeper ýetmekden goramak zerurlygy bolmazdan, egreltmä we mehaniki dartgynlylyga çydamly bolmaga mümkinçilik berýär. Bu önümçiligiň bahasyny ep-esli arzanladyp, şeýle gurluşlary köpçülikleýin bazara çykarmaga ýakynlaşdyrýar.
Işläp düzüjileriň pikiriçe, bu önüm “akylly” plastyr ýaly täze nesil akylly gurluşlar üçin möhüm esas bolar diýip, Nature ylmy neşiri ýazýar.
