Russiýanyň eksklýuziw wersiýalary döretmäge ýöriteleşen Caviar kompaniýasy Huawei Mate XT-iň we iPhone 16 Pro-nyň ýörite wersiýalaryny öz içine alýan Rich Colors toplumyny hödürledi diýip, 3DNews habar berýär.
Toplumda iň esasy orny Hytaýyň köp gatly gylyç ýasamak sungatyna salgylanýan, çylşyrymly nagyşlar bilen 18 karat altyndan ýasalan, üç eplenýän Huawei Mate XT Gold Dragon smartfonydyr.
Black Dragon atly başga bir model hytaý mifologiýasyndaky ähli aždarhalaryň rowaýaty hökümdary Sýuanlongyň güýjüni alamatlandyrýar. Bu wersiýadaky gajet böleklerine altyn çaýylan gara krokodil derisinden ýasalan korpus aldy. Krokodil derisi aždarhanyň gowuna meňzeýär.
Enjamlaryň bezeginde altyndan başga-da, awiasion titany we awtoulagyň uglerod süýümi ulanyldy.
Rich Colors toplumynda 24 karat altyn we uglerod süýümi bilen bezelen iPhone 16 Pro-nyň dört görnüşi hem bar. Iň meşhur görnüş - sargytlaryň 40% -ini emele getirýän Desert Titanium altyn görnüşi boldy.
Rich Colors toplumyndaky enjamlaryň bahasy iPhone 16 Pro Dark Red we iPhone 16 Pro Starry Night üçin 8 840 dollardan başlaýar.
Iň gymmat model bolan Huawei Mate XT Gold Dragon -yň bahasy 15 000 dollar.
