iPhone 16 çykandan soň, onuň täze kamera dolandyryş düwmesi esasy üns merkezine düşdi. GizmoChina-nyň habar bermegine görä, düwme dokuz komponentden durýar, bu bolsa onuň döwülmek ähtimallygyny ýokarlandyrýar.
Düwmedäki näsazlyk “beýleki zeperlenmeler” kategoriýasyna girýär. Bu näsazlygy bejermegiň bahasy iPhone 16 üçin 625 dollar, iPhone 16 Pro üçin bolsa 750 dollar.
Şol bir wagtda, täze iPhone modelleri degişlilikde 799 dollara we 999 dollara satylýar, bu bolsa döwlen smartfonyň bejerilmeginiň maksadalaýyk däldigini görkezýär.
Çeşmäniň bellemegine görä: “Abatlaýyş çykdajylarynyň esasy sebäbi, Apple-iň düzüm bölek meselelerini aýry-aýrylykda çözmegi däl-de, enjamy doly abatlamagy teklip etmegi bilen baglanyşyklydyr. Bu, esasanam, düwmäniň näsazlygynyň köp sanly kynçylyklar döredip bilýänligi sebäpli, has köp çykdajynyň çykmagyna getirip biler".
Apple-iň mahabat materiallaryna görä, täze düwme kameranyň işiniň netijeliligini ýokarlandyrmalydy, ýöne düwme ulanyjylarda nägilelik döretdi. GizmoChina-da ýazylmagyna görä, düwmäniň ýerleşişi oňaýsyz bolup, ol smartfonyň ergonomikasyny peseldýär.
