ByteDance kompaniýasy Indoneziýa, Braziliýa, Awstraliýa, Singapur we Meksika ýaly ýurtlarda elýeterli bolan TikTok Music aýdym-saz akym hyzmatynyň ýapylýandygyny yglan etdi.
Hyzmata ýazylmak 28-nji noýabrda awtomatik usulda bes ediler. Eger ulanyjylar öz pleýlistlerini başga platformalara geçirmek isleseler, muny görkezilen senä çenli etmelidir. Şeýle-de, noýabr aýynyň ahyryna çenli kompaniýa serişdeleri yzyna gaýtarmak boýunça ýüztutmalary kabul eder.
ByteDance beýleki akym hyzmatlary bilen bäsleşmegiň deregine, olar bilen hyzmatdaşlyk etmek isleýändigini aýtdy. Öň, fewral aýynda kompaniýa TikTok ulanyjylaryna aýdymlary Apple Music, Amazon Music we Spotify ýaly platformalarda pleýlistlere goşmaga mümkinçilik berýän Add to Music funksiýasyny işe girizdi.
TikTok Music ilkibaşda 2019-njy ýylda Hindistanda we Indoneziýada peýda bolan Resso önümine esaslanýar. 2023-nji ýylda ByteDance Braziliýada we Indoneziýada “Ressony” TikTok Music adyna üýtgetdi we ony Singapura, Awstraliýa we Meksika ýaýratdy. 2024-nji ýylyň başynda Resso Hindistanda gadagan edildi.
