Omdia barlag kompaniýasynyň habaryna görä, iPhone 15 Pro Max 2024-nji ýylyň birinji ýarymynda iň köp satylan smartfon boldy. Enjamyň 21,8 million sanysy iberildi diýip, IXBT ýazýar.
iPhone 15 Pro Max -yň öňdebaryjydygyna garamazdan, Apple -iň umumy satuwy soňky birnäçe ýylda azalmagyny dowam etdirýär. Deňeşdirmek üçin, 2023-nji ýylyň şol döwründe iň meşhur smartfon iPhone 14 Pro Max bolupdy we satuwy 26,5 milliona ýetipdi. 2022-nji ýylda iPhone 13 we iPhone 13 Pro Max degişlilikde 33,7 million we 23 million satuw mukdary bilen öňdebaryjy bolupdy.
2024-nji ýylyň birinji ýarymynda iň geçginli on smartfonyň arasynda iPhone 15 (17,8 million), Samsung Galaxy A15 (17,3 million), iPhone 15 Pro (16,9 million) we beýleki modeller bar.
Täze iPhone 16 setiri çykandan soň, Apple resmi web sahypasyndan iPhone 15 Pro-ny we iPhone 15 Pro Max-y aýyrdy we olary diňe üçünji tarap dükanlarynda goýdy.
